Transcription
1
Monseigneur, nous avons receu, du vingt huictième du mois
2
dernier, la missive qu’il vous a pleu nous scrire du dix neufvième
3
dudict mois, contenent [comme] avez heu advertissement que ne faisons
4
bonne guarde en ce lieu. Monseigneur, nous vous avons
5
bien vollu advertir par ce pourteur exprès que dèz le jour
6
qu’il vous pleust nous commender de faire guarde, tant
7
au chasteau que en la ville, que nous y avons faict
8
et faisons journellement tout ce qu’il nous est poussible,
9
tenent six souldats ordinairement audict chateau, à quarente
10
huict livres de gages tous les mois, oultre le bois
11
et les chandelles, et avons faict quatorze escouadres,
12
desquelles en y a deux qui font la guarde ordinaire
13
aux deux portes de ladite ville, principallement la
14
nuyt. Il est vrai, Monseigneur, que, quant au jour, il n’y
15
en demure pas si grand nombre ; toutesfois, y a il
16
tourjours gens aux portes et sentinelles qui voient
17
venir de loign, oultre ceulx du chasteau qui
18
descouvrent aussi de bien loign, de sorte qu’il seroit
19
difficille de nous surprendre, mesmes que chescung
20
des habitens, sans nul excepter, sont en bonne volunpté
21
de bien faire leur debvoir. Si quelque chose advient,
22
monsieur de Veaulne, mareschal des logis de votre companie,
23
se monstre fort affectionné à nous instruire du debvoir
24
que nous avons à tenir pour le service du roy et vostre,
25
et nous vient souvent visiter, comme luy estentz prochains
26
voisins d’une lieu, et l’avons tourjourz trouvé
27
de bonne volunpté, auquel vous plarra, Monseigneur, scrire
28
icelle volloir continuer pour la conservations de notredicte
29
ville et concéquement de tous nous voisins.
30
Monseigneur, par la longueur du tempz, et d’avoir soubstenu
31
telles despences, et que porrions soubstenir à l’advenir
32
pour la pouvreté qu’est en ce lieu, nous arions bien
33
besoign de quelques aides pour soubvenir à telz fraiz,
34
[v] car il nous seroit impossible sans ce les pouvoir
35
suporter ; et estent ce lieu et chateau en telle seureté,
36
comme nous spérons en Dieu, le tenir avec votre aide
37
et faveur, sera le sollagement et guarentie de tout
38
ce Bas-Gappencès, et par ce moien ne sera trouvé
39
maulvais par nous voisins, ains plustost agréable de
40
contribuer chescung pour sa rate ce que de raison ;
41
par quoi, Monseigneur, vous supplions très humblement nous
42
y voulloir prouvoir sellon votre bon plaisir et congnoissence,
43
aient esguard, Monseigneur, aux grandes folles et
44
charges que de tout tempz nous avons suporté
45
et suportons. Que sera la fin, après avoir prié Notre Seigneur,
46
Monseigneur, vous donner en bonne prospérité et
47
sancté, très bonne et longue vie. De Serre, ce
48
deuxieme décembre 1572.
49
Vous humblez et hobéissentz serviteurs
50
Amment, consillyer
51
G. Clamet, conseler
52
Jean Ponchud, conselyer
53
Gabryel Ponchud, conselyer